وفاقی حکومت نے پاکستان اسٹیل ملز کو بحال کرنے کیلئے سبسڈری کمپنی قائم کرنے کا فیصلہ کرلیا ہے۔

تفصیلات کے مطابق وفاقی حکومت نے 6سال سے بند پاکستان  اسٹیل ملز کی بحالی کی جانب عملی قدم اٹھالیا، وزیراعظم نے نئی کمپنی کا 7رکنی بورڈ آف ڈائریکٹرز تعینات کرنے کی منظوری دیدی۔

پاکستان سٹیل ملز کے تمام اثاثے آئندہ ہفتے نئی کمپنی کو منتقل کردئیے جائیں گے جبکہ 550 ارب رو پے سے زائد خسارہ اور واجبات پاکستان  اسٹیل ملز لمیٹڈ کی بُک میں رہیں گے۔

لیز یا پبلک پرائیویٹ پارٹنرشپ کے تحت سٹیل ملز کو بحال کرنے والے سرمایہ کار کلین بک ملے گی۔

وزارت صنعت وپیداوار نے آزاد ڈائریکٹر عامرممتاز کو چئیرمین تعینات کیا گیا ہے جبکہ حتمی منظوری کیلئے سمری بھی وزارت صنعت وپیداوار نے وفاقی کابینہ کو ارسال کردی۔