امیر جماعت اسلامی سراج الحق نے کہا ہے کہ وزیر اعظم عمران خان نے کشمیر پالیسی پر یوٹرن لیا ہے۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ وزیراعظم عمران خان نے کشمیر کے سفیر بننے کا اعلان کیا تھا مگر وہ اپنا وعدہ بھول گئے۔

امیر جماعت اسلامی نے کہا کہ پی ٹی آئی اور پی ڈی ایم میں کوئی فرق نہیں، انگریزوں سے یہ وطن اس لیے آزاد کیا کہ اس میں اسلامی نظام ہو۔

سراج الحق نے یہ بھی کہا کہ موجودہ حکومت مدینہ کی ریاست کا نام لے کر سودی نظام کو تحفظ اور ورلڈ بنک سمیت آئی ایم ایف کی ایجنڈہ پرعمل پیرا ہے۔

امیر جماعت اسلامی سراج الحق نے مزید کہا کہ 28 مارچ کو راولپنڈی میں عظیم الشان جلسہ کی تیاری کررہے ہیں، جماعت اسلامی قومی و بلدیاتی الیکشن میں بھرپور حصہ لے گی۔