ملک بھر میں سینیٹ الیکشن 2021 کے لئے پولنگ کے وقت شروع ہوگیا ہے۔

تفصیلات کے مطابق آج ملک بھر میں سینیٹ الیکشن 2021 کا انعقاد کیا گیا ہے جس میں اسلام آباد میں جنرل نشست پر کانٹے کا مقابلہ متوقع ہے۔

سینیٹ الیکشن کی اسلام آباد میں جنرل نشست کے لئے پی ڈی ایم کے یوسف رضا گیلانی، پی ٹی آئی کے حفیظ شیخ مدمقابل ہوں گے جبکہ خواتین نشست پر ن لیگ کی فرزانہ کوثر، پی ٹی آئی کی فوزیہ ارشد میں مقابلہ ہوگا۔

پنجاب کے علاوہ تینوں صوبوں میں وفاق کی 37 نشستوں پر پولنگ ہوگی، سینیٹ انتخابات کیلئے پولنگ صبح 9 سے شام 5 بجے تک ہوگی۔

اسلام آباد 2، سندھ میں 11 نشستوں پر پولنگ ہوگی، خیبرپختونخوا اور بلوچستان کی 12،12 نشستوں پر پولنگ ہوگی جبکہ قومی اسمبلی اور صوبائی اسمبلیاں کے پولنگ اسٹیشنز میں تبدیلی کردی گئیں ہیں۔

سینیٹ انتخابات کیلئے 698 ووٹرز حق رائے دہی استعمال کریں گے، اسلام آباد کی 2 نشستوں پر 341 ووٹرز حق رائے دہی استعمال کریں گے، سندھ 168، خیبرپختونخوا 124، بلوچستان میں 65 ارکان ووٹ ڈالیں گے۔

سینیٹ انتخابات میں پولنگ الیکشن کمیشن کے انتظامات مکمل کرتے ہوئے پارلیمنٹ ہاؤس کے اطراف پولیس اور رینجرز تعینات کی گئی ہیں۔