پاکستان پیپلز پارٹی کے سیکرٹری جنرل سید نیر حسین بخاری نے کہا ہے کہ چار اپریل کو راولپنڈی میں تاریخی اور بے مثال جلسہ ہوگا۔

تفصیلات کے مطابق پاکستان پیپلز پارٹی کے سیکرٹری جنرل سید نیر حسین بخاری نے اپنے ایک بیان میں کہا کہ شہید قائد عوام ذوالفقار علی بھٹو شہید کی یوم شہادت کی تقریب  راولپنڈی میں ہوگی۔

پاکستان پیپلز پارٹی کے سیکرٹری جنرل نے پارٹی عہدیداروں اور کارکنوں کو ہدایات کی کہ تمام صوبوں سمیت آزاد کشمیر کی تنظیم کے عہدے دار متحرک ہو جائیں۔

سید نیر حسین بخاری نے یہ بھی کہا کہ شہید بھٹو کے جیالے 4 اپریل کو راولپنڈی پہنچیں گے۔

پاکستان پیپلز پارٹی کے سیکرٹری جنرل سید نیر حسین بخاری نے مزید کہا کہ قوم ثابت کریگی کہ وہ شہید بھٹو کو نہیں بھولی ، چار اپریل کو چیئرمین بلاول بھٹو زرداری اہم اور تاریخی خطاب کرینگے۔