پاکستان شوبز انڈسٹرری کی اداکارہ زارا نور عباس نے اپنی 30ویں سالگرہ پر سوشل میڈیا پر پیغام جاری کر دیا۔

زارا نور عباس فوٹوز اینڈ ویڈیوز شیئرنگ ایپ کی سائٹ انسٹا گرام پر کی گئی پوسٹ میں نے کہا کہ میں آج 30 برس کی ہوگئی ہوں، مجھے خدا پر پہلے سے زیادہ یقین ہے، مجھے اب معجزات پر پہلے سے زیادہ یقین ہوگیا۔

زارا نور عباس کا اپنی سالگرہ کے موقع پر سوشل میڈیا پر دیئے گئے پیغام میں کہنا ہے کہ آج میری زندگی کے 30 سال مکمل ہونے پر میرا اللّٰہ پر یقین مزید پختہ ہوگیا ہے۔

انہوں نے اپنے پیغام میں کہا کہ جیسا کہ یہ حقیقت ہے کہ رحم دلی جیت جاتی ہے لہٰذا آج میں اپنے ماضی کی غلام نہیں لیکن اب اپنے احساسات و جذبات کی فخریہ مالک ہوں جن سے میں گزری اور آگے بھی گزروں گی۔

اداکارہ نے اپنے ماضی کو یاد کرتے ہوئے لکھا کہ پچھلے سال نے مجھے انسانیت کے بارے میں بہت کچھ سکھایا ہے اور آج میں اہمیت رکھنے والوں کے پاس ہونے پر بہت مطمئن ہوں۔

زارا نور عباس نے مداحوں کو بتایا کہ میں اپنے آپ سے مطمئن ہوں، مجھے 30 سال کا لمبا عرصہ یہ جاننے میں لگا کہ ایک چیز بھی میرے اختیار میں نہیں۔

اداکارہ  نے مزید کہا کہ اس لیے میں اپنا سب کچھ خدا کے نام کرتی ہوں اور دعا کرتی ہوں کہ وہ مجھے وہاں لے جائے جو اُس کی مرضی ہو۔