پاکستان شوبز انڈسٹری کی سابقہ اداکارہ عائشہ خان کی بیٹی کی نماز پڑھنے کی ویڈیو سوشل میڈیا پر وائرل ہو گئی۔

عائشہ خان کی بیٹی کی ویڈیو سوشل میڈیا پر تیزی سے وائرل ہو رہی ہے جس میں دیکھا جا سکتا ہے کہ شبِ بارات کی رات ان کی بیٹی ماہ نور نماز ادا کرنے کی کوشش کر رہیں ہیں۔

مزید پڑھیں

عائشہ خان کی فیملی فوٹو انٹرنیٹ پر مقبول ہوگئی

پاکستان شوبز انڈسٹری کی اداکارہ عائشہ خان کی فیملی فوٹو انٹرنیٹ پر...

عائشہ خان کی بیٹی ماہ نور کی اس ویڈیو کو مداحوں کی جانب سے بہت پسند کیا جا رہا ہے۔

 اس سے قبل عائشہ خان نے اپنی حالیہ انسٹاگرام اسٹوری میں بیٹی کے ہمراہ ایک تصویر جاری کی تھی جس کی کیپشن میں اداکارہ نے کہا تھا کہ بہار ایک بار پھر چمک اٹھی ہے۔

اداکارہ نے کہا کہ ان کی زندگی میں بیٹی ماہ نور کے ساتھ بہار بھی آگئی ہے۔

انہوں نے کہا کہ ماہ نور کو لال رنگ بہت پسند ہے، کہیں بھی جانا ہو ماہ نور کیلئے لال رنگ کا انتخاب لازم و ملزوم ہے۔

واضح رہے کہ 15 اپریل 2018 کو عائشہ خان اور میجر عقبہ ایک سادہ مگر پروقار تقریب میں شادی کے بندھن میں بندھے تھے۔

اُن کے ہاں نومبر 2019 کو 12 ربیع الاول کے دن بیٹی کی پیدائش ہوئی تھی جس کا نام اُنہوں نے ’ماہ نور‘ رکھا۔

عائشہ خان نے 19برس قبل یعنی 2000 میں پاکستان کی میڈیا انڈسٹری میں قدم رکھا اور کئی کامیاب ڈراموں میں اداکاری کے جوہر دکھائے۔

اداکارہ نے 18 سال کے کامیاب میڈیا کیریئر کے بعد میڈیا انڈسٹری کو چھوڑنے کا فیصلہ کیا تھا جس کا اعلان انہوں نے سوشل میڈیا پر کیا تھا۔