ایم کیو ایم کے 37 ویں یوم تاسیس کے موقع پر ایم کیو ایم نے نشتر پارک میں پنڈال لگانے کا اعلان کر دیا ہے۔

تفصیلات کے مطابق ایم کیو ایم پاکستان کے کنوینر ڈاکٹر خالد مقبول صدیقی نے مرکز بہادر آباد پر ذمہ داران کے اجلاس سے خطاب کرتے ہوئے 18 مارچ کو تنظیم کے37ویں یوم تاسیس کے موقع پر نشتر پارک میں جلسے کے انعقاد کا اعلان کریا ہے۔

ڈاکٹر خالد مقبول صدیقی نے کہا کہ ہمیں اپنے اتحاد اور نظم و ضبط سے اس جلسہ عام کو کامیاب بنانا ہے ایم کیو ایم پاکستان کے پیغام کو گھر گھر پہنچانے کیلئے ہمیں اپنی پوری توانائیاں صرف کرنی ہیں۔

کیو ایم پاکستان کے کنوینر ڈاکٹر خالد مقبول صدیقی نے مزید کہا کہ تمام شعبہ جات باالخصوص سی او سی،لیبر ڈیویژن اور اے پی ایم ایس او یوم تایس کی تیاریوں کیلئے کمیٹیا ں تشکیل دے دیں اور ہمیں اور بھر پور طریقے سے عوام کو متحرک کرنے کی حکمت عملی ترتیب دیں۔

اس موقع پر ڈپٹی کنوینر وسیم اختر نے خطاب کرتے ہوئے کہا کہ آج ضرورت اس امر کی ہے کہ نیا خون تحریک میں شامل کیا جائے اور تمام کارکنان کی ذمہ داری ہے کہ نوجوان طبقے بالخصوص طلبہ و طالبات تک ایم کیو ایم پاکستان کا پیغام پہنچائیں

ہمیں اپنی صفوں میں اتحاد کو برقرار رکھنا ہوگا جبکہ سازشی عناصر پر نظر رکھنی ہوگی اور یونین کونسل کی سطح پر اپنے آپکو منظم کرنا ہوگا۔