فاسٹ فوڈ کے کم استعمال سے اسٹریس (ذہنی دباؤ) کی سطح کم ہوتی ہے۔

اس پروگرام کا مقصد اسٹریس میں کمی کرکے بڑھتے ہوئے وزن کو کنٹرول کرنا، صحت بخش خوراک اور جسمانی سرگرمیوں میں اضافہ کرنا تھا۔

 سروے کے مطابق کم آمدنی والے کمسن بچوں کی وہ مائیں جنکا وزن زیادہ تھا، انھوں نے اس تحقیق میں شرکت کی۔

دوران تحقیق وہ فاسٹ فوڈ اور زیادہ چکنائی والی اسنیکس پر مشتمل خوراک کم کھاتی تھیں انھوں نے ایسا اس لیے نہیں کیا کہ انھیں یہ نہ کھانے کے لیے ریسرچر نے کہا بلکہ انھوں نے لائف اسٹائل میں تبدیلی اس وجہ سے کی کیونکہ اس طرح کی خوراک سے ان میں اسٹریس کی کمی میں مدد ملی۔

تحقیق کاروں کے مطابق انھوں نے خواتین کے ان اقدامات اور ان کی گفتگو پر مبنی ویڈیوز ان کے خاندانوں کے ساتھ شیئر کیں تاکہ ان میں اسٹریس (ذہنی دباؤ) کنٹرول کرنے کے حوالے سے شعور اجاگر کیا جاسکے۔

پروفیسر آف نرسنگ مائی وائی چانگ کے مطابق یہ ویڈیوز دیکھنے کے بعد بہت سارے شرکا کا کہنا تھا کہ یہ پہلی بار ہوا کہ انھیں لگا کہ انکے اندر اسٹریس میں کمی ہوئی ہے۔

انہوں نے کہا کہ اس سے پہلے وہ اسٹریس بھری زندگی گزار رہے تھے۔