قومی اسمبلی کا اجلاس کل شام 4 بجے منعقد ہوگا۔

 قومی اسمبلی سیکرٹریٹ کی طرف سے اجلاس کا ایک سو نکاتی ایجنڈا جاری کردیا گیا۔

اجلاس میں اراکین کے نجی بل اور تحاریک کو بھی زیرغور لایا جائے گا۔

ایجنڈے میں بتایا کہ غازی بروتھا ہائیڈر وپاور چینل کی تعمیر کے لئے ضلع صوابی میں دریائے سندھ کے پانی کے قدرتی بہاو روکنے کے حوالے سے توجہ دلاؤ نوٹس بھی ایوان کی کاروائی میں شامل کیا جائے گا۔

ایجنڈے میں کہا کہ کابینہ سیکرٹریٹ ، وزارت نیشنل ہیلتھ سروسز، رولز آف پروسیجرکی قائمہ کمیٹیوں کی رپورٹس ایوان میں پیش کی جائیں گی۔

 ایجنڈے میں یہ بھی کہا کہ قائمہ کمیٹی برائے توانائی ، انفارمیشن اینڈ براڈ کاسٹنگ ، میری ٹائمز افیئرز کی رپورٹس بھی ایوان کی کاروائی کا حصہ ہو گی۔

قومی اسمبلی سیکرٹریٹ کی طرف سے جاری ایجنڈے میں مزید کہا گیا ہے کہ لواری ٹنل چترال کی رابطہ سڑکوں پر کام بند ہونے سے عوامی تشویش کے بارے میں توجہ دلاو نوٹس بھی کاروائی کا حصہ ہوگا۔