گورنر سندھ عمران اسماعیل نے کہا ہے کہ پرسوں وزیراعظم کے اعتماد کے ووٹ کا دن ہے۔

تفصیلات کے مطابق گورنر سندھ عمران اسماعیل کی جانب سے تحریک انصاف سندھ کے اراکین اسمبلی کے اعزاز میں عشائیہ دیا گیا۔

گورنر سندھ عمران اسماعیل نے کہا کہ پرسوں وزیراعظم کے اعتماد کے ووٹ کا دن ہے، وزیراعظم کی ہدایت کے مطابق تمام ارکان کل اور پرسوں اجلاسوں میں شرکت یقینی بنائیں۔

اس موقع پر تحریک انصاف سندھ کے ارکانِ اسمبلی نے وزیراعظم کی قیادت پر اعتماد کا اظہار کیا۔

ارکان اسمبلی نے کہا کہ پارلیمانی پارٹی اور قومی اسمبلی کے خصوصی اجلاسوں میں بھرپور شرکت کریں گے۔