بھارتی اداکارہ و ماڈل گوہر خان کے والد ظفر احمد خان انتقال کرگئے۔

اداکارہ گوہر خان نے اپنے انسٹاگرام اکاؤنٹ پر اسٹوری شیئر کرتے ہوئے اپنے والد کی وفات کی اطلاع دی۔

مزید پڑھیں

گوہر خان اور زید دربار رشتۂ ازدواج میں منسلک ہوگئے

بھارتی ادکارہ گوہر خان اور معروف ٹک ٹاکر زید دربار رشتۂ ازدواج...

اس سے قبل اداکارہ نے طبیعت کی ناسازی کے باعث اسپتال میں داخل والد کی جلد صحتیابی کیلئے مداحوں سے دعاؤں کی درخواست بھی کی تھی۔

اداکارہ نے والد کی وفات کی اطلاع دیتے ہوئے کہا کہ آج جمعے کے دن آپ سب میرے والد کی مغفرت کیلئے دعا کریں۔

گوہر خان نے والد کی نمازِ جنازہ سے متعلق بتایا کہ بعد نمازِ ظہر اُن کے والد کی نماز جنازہ ادا کی جائے گی۔

گوہر خان نے اپنی ایک اور انسٹا پوسٹ میں والد کی تصویر شیئر کرتے ہوئے کہا کہ میری زندگی کے ہیرو، میرے والد کا انتقال ہوگیا ہے۔

اداکارہ نے اپنے والد سے محبت کا اظہار کرتے ہوئے کہا کہ میری زندگی میں ان کا نعم البدل کوئی نہیں ہوسکتا۔

واضح رہے کہ 25 دسمبر کو گوہر خان اسماعیل دربار کے بیٹے زید دربار کے ساتھ رشتہ ازدواج میں منسلک ہوئی تھیں۔