آرمی چیف جنرل قمر جاوید باجوہ نے راولپنڈی میں لاجسٹک تنصیبات اور ورکشاپس کا دورہ کیا ہے ۔

پاک فوج کے شعبہ تعلقات عامہ ( آئی ایس پی آر) کے مطابق آرمی چیف جنرل قمر جاوید باجوہ نے راولپنڈی میں لاجسٹک تنصیبات اور ورکشاپس کا دورہ کیا جہاں چیف آف لاجسٹک اسٹاف لیفٹیننٹ جنرل اظہر صالح عباسی نے ان کا استقبال کیا۔

آئی ایس پی آر کے مطابق دورے میں آرمی چیف کو گاڑیوں اور ایوی ایشن اثاثوں کی اپ گریڈیشن کے میکنزم پر بریفنگ دی گئی جس پر آرمی چیف نے مختلف ہیلی کاپٹروں کی مکمل اوور ہالنگ کی صلاحیت کو سراہا۔

آئی ایس پی آر کا مزید کہنا ہے کہ آرمی چیف نے ایوی ایشن بیس ورکشاپ میں 200ویں ایئر کرافٹ کی اوورہالنگ کی تقریب میں شرکت بھی کی۔