ڈسکہ، این اے 75 کے نتائج پر الیکشن کمیشن کا فیصلہ سپریم کورٹ میں چیلنج کردیا گیا ہے۔

پی ٹی آئی کے علی اسجد نے ڈسکہ، این اے 75 کے نتائج پر الیکشن کمیشن کا فیصلہ سپریم کورٹ میں چینلج کرتے ہوئے موقف اختیار کیا ہے کہ 19 فروری کے این اے 75 کے ڈسکہ کے انتخابی نتائج جاری کرنے کا حکم دیا جائے۔

استدعا کی گئی ہے کہ ڈسکہ الیکشن کے نتائج پر الیکشن کمیشن نے قواعد و ضوابط کو بالائے طاق رکھ کر فیصلہ دیا ہے جو کہ آرٹیکل 10 اے کی خلاف ورزی ہے۔

استدعا کی گئی ہے کہ الیکشن کمیشن کا فیصلہ حقائق کے برعکس ہے کیونکہ الیکشن کمیشن نے دستیاب ریکارڈ کا درست جائزہ نہیں لیا تھا۔

علی اسجد ملہی نے درخواست میں نوشین افتخار سمیت الیکشن کمیشن و دیگر کو فریق بنایا ہے۔