پی ڈی ایم کے سربراہ مولانا فضل الرحمان نے کہا ہے کہ استعفوں کے ساتھ ہی لانگ مارچ موثر ہوسکتا ہے۔

 ذرائع کے مطابق پی ڈی ایم کے سربراہ مولانا فضل الرحمان کا پی ڈی ایم کے سیکریٹری جنرل شاہد خاقان عباسی سے ٹیلیفونک رابطہ ہوا ہے۔

ذرائع کا کہنا ہے کہ مولانا فضل الرحمان نے اسمبلیوں سے استعفوں کی تجویز تمام جماعتوں کے سربراہان کو بھجوادی۔

ذرائع کا یہ بھی کہنا ہے کہ پی ڈی ایم کے سربراہی اجلاس میں اسمبلیوں سے استعفوں کی تجویز پر بھی مشاورت کی جائے گی۔

ٹیلیفونک رابطے میں پی ڈی ایم کے سربراہ مولانا فضل الرحمان نے کہا کہ استعفوں کے ساتھ ہی لانگ مارچ مؤثر ہوسکتا ہے، لانگ مارچ کے ساتھ اسمبلیوں سے استعفے بھی دینے چاہیے۔