پاکستان کی معروف اداکارہ و ماڈل سائرہ یوسف نے ناقدین کو جواب دے دیا۔

خیال رہے اداکارہ سائرہ یوسف کی ایک تصویر سوشل میڈیا پر تیزی سے وائرل ہو رہی تھی جس پر صارفین کی جانب سے تنقید کی گئی۔

مزید پڑھیں

سائرہ یوسف اور شہریار منور کا فوٹوشوٹ وائرل

پاکستان کی معروف اداکارہ و ماڈل سائرہ یوسف کا شہریار منور کے...

تاہم اداکارہ سائرہ یوسف نے ناقدین کو جواب انسٹاگرام پراپنی ایک تصویر پوسٹ  کر کے دیا۔

اداکارہ نے پوسٹ کردہ تصویر میں اپنے مداحوں کو بتایا کہ یہ بنا فلٹر کی تصویر ہے ساتھ ہی اداکارہ نے یہ بھی کہا کہ مجھے اپنی اسکن بہت پسند ہے۔

اداکارہ کی تصویر پرسوشل صارفین کا کہنا ہے کہ شاید تصویر زیادہ زوم ہو گئی۔

جبکہ اداکارہ کی تصویر پر کامنٹ کرتے ہوئے لوگوں کا یہ بھی کہنا ہے کہ اداکارہ کی اسکین بے حد خراب ہوگئی ہے۔

تاہم جہاں اداکارہ سائرہ یوسف پر تنقید کی جا رہی ہے وہیں کچھ صارفین اداکارہ کی حمایت میں بھی بولتے ہوئے نظر آرہے ہیں۔

واضح رہے کہ شہریار منور کے ساتھ اداکارہ کا  بولڈ فوٹوشوٹ سوشل میڈیا پر تیزی سے وائرل ہوا تھا۔

سائرہ یوسف اور شہریار منور کے بولڈ فوٹو شوٹ کو صارفین نے شدید تنقید کا نشانہ بنایا تھا۔

سوشل میڈیا صارفین کو ان دونوں کی تصاویر بالکل بھی اچھی نہیں لگیں اور انہوں نے سائرہ یوسف پر خاصی تنقید کے نشتر چلا دیئے تھے۔

اس فوٹوشوٹ نے سائرہ کے مداحوں کو مایوس کیا اور بہت سے لوگوں نے اپنی مایوسی کا اظہار کرتے ہوئے کہا کہ سائرہ آپ سے یہ امید نہیں تھی۔

ایک صارف نے افسوس کا اظہار کرتے ہوئے لکھا تھا کہ کیا یہ اسلامی جمہوریہ پاکستان ہے؟