پاکستان شوبز انڈسٹری کی ماڈل اور اداکارہ نادیہ حسین نے اہم انکشاف کر دیا۔

 ماڈل نادیہ حسین نے کہا کہ اب اگرچہ انہیں ماڈلنگ کی پیش کش آنا تقریبا بند ہو چکی ہیں، تاہم اس کے باوجود ماڈلنگ کی دنیا میں آنے والی نئی لڑکیاں کہتی پھرتی ہیں کہ ’نادیہ‘ جیسی ماڈلز جان نہیں چھوڑ رہیں۔

مزید پڑھیں

نادیہ حسین 17 سال قبل کیسی دکھتی تھیں؟

پاکستان شوبز انڈسٹری کی نامورماڈل اوراداکارہ کی 17 سال پُرانی تصویر نے...

انٹرویو میں نادیہ حسین کا کہنا تھا کہ ماڈلنگ و اداکاری کرنے کی وجہ سے انہیں عوام سے بہت پیار ملا اور اب تک وہ لوگوں کا پیار حاصل کر رہی ہیں۔

 تاہم ماڈلنگ کی فیلڈ میں آنے والی نئی لڑکیاں ان سے متعلق اچھی رائے نہیں رکھتیں۔

نادیہ حسین کا کہنا تھا کہ ماڈلنگ میں آنے والی نئی لڑکیاں یہ کہتی ہیں کہ ’نادیہ‘ جیسی ماڈلز جان نہیں چھوڑ رہیں۔

 جبکہ مصروفیت اور آفرز کو ٹھکرانے کی وجہ سے اب انہیں آفرز آنا بند ہوچکی ہیں۔

ماضی کی سپر ماڈل نے مشورہ دیا کہ طلبہ کے فیشن ماڈلز بھی ہونے چاہیے اور ساتھ ہی انہوں نے ماڈلنگ کی خواہش رکھنے والی لڑکیوں کے والدین کو مشورہ دیا کہ وہ اپنی بیٹیوں کو ماڈلنگ کرنے کی اجازت دیا کریں

نادیہ حسین نے بتایا کہ مغربی ممالک میں خواتین 30 سال تک ماڈلنگ کرتی رہتی ہیں مگر یہاں رویے کچھ دوسرے ہیں اور لوگ چند سال بعد ہی سوال کرنا شروع کردیتے ہیں کہ آخر خاتون کب تک ماڈلنگ کرتی رہے گی؟

واضح رہے کہ نادیہ حسین نے انتہائی کم عمری میں ماڈلنگ کا آغاز کیا تھا اور ان کا شمار پاکستان کی ابتدائی چند سپر ماڈلز میں ہوتا ہے۔

نادیہ حسین نے 2000 سے قبل ہی ماڈلنگ شروع کردی تھی، تاہم انہیں شہرت 2002 کے بعد ملی اور دیکھتے ہی دیکھتے وہ سپر ماڈل بن گئیں۔

علاوہ ازیں نادیہ حسین نے تقریبا 2 دہائیوں تک ریمپ پر واک کی اور ساتھ ہی اسکرین پر اداکاری کے جوہر بھی دکھائے۔

دوسری جانب نادیہ حسین نے اپنا کاروبار کا آغاز سلیون سے کیا۔

ایک اور سوال کے جواب میں نادیہ حسین کا کہنا تھا کہ وہ خوبصورتی بڑھانے کے لیے پلاسٹک سرجری کروانے کے حق میں ہیں اور وہ سمجھتی ہیں کہ جب بھی جس خاتون کو ضرورت محسوس ہو اور اس کے پاس پیسے ہوں تو وہ ضرور پلاسٹک سرجری کروائے۔

نادیہ حسین نے واضح کیا کہ زندگی میں جب کبھی انہیں ضرورت محسوس ہوئی تو وہ بھی پلاسٹک سرجری کروائیں گی۔