چیئرمین واپڈا نے کہا ہے کہ مہمند ڈیم ملکی ترقی کے لئے اہم منصوبہ ہے۔

تفصیلات کے مطابق چیئرمین واپڈا نےمہمند ڈیم کا دورہ کیا ، وہاں ہونے والے تعمیراتی پیش رفت کا جائزہ بھی لیا۔

چیئرمین واپڈا کو بریفنگ دیتے ہوئے بتایا گیا کہ مہمند ڈیم کی بیک وقت 9 مختلف سائٹس پر تعمیراتی کام جاری ہیں۔

چیئرمین واپڈا نے پراجیکٹ حکام کو ہدایت کی کہ مہمند ڈیم ملکی ترقی کے لئے اہم منصوبہ ہے ، بروقت اس تکمیل کو یقینی بنایا جائے۔

چیئرمین واپڈا نے بتایا کہ مہمند ڈیم 12لاکھ ایکڑ فٹ پانی ذخیرہ کرے گا ، اس سے ایک لاکھ 76 ہزار ایکڑزمین سیراب ہوگی، 800 میگا واٹ بجلی پیدا ہوگی جس سے نیشنل گرڈ کو ہرسال 2 ارب 86 کروڑ یونٹ بجلی ملے گی۔

چیئرمین واپڈا نے مزید کہا کہ پراجیکٹ ایریا میں تعلیم ، صحت اور انفراسٹرکچر کے منصوبوں پر 4 ارب 53 کروڑروپے خرچ کئے جا رہے ہیں۔