وزیراعلیٰ سندھ سید مراد علی شاہ نے لانڈھی صنعتی ایریا میں نو تعمیر شدہ سڑکوں کا افتتاح کردیا ہے۔

تفصیلات کے مطابق وزیراعلیٰ سندھ سید مراد علی شاہ نے لانڈھی صنعتی ایریا میں نو تعمیر شدہ سڑکوں کے افتتاح کے موقع پر مشترکہ مفادات کونسل کا اجلاس کیا۔

سید مراد علی شاہ نے کہا کہ چاروں صوبوں کو 2017 کی مردم شماری پر تحفظات ہیں ، جہانگیر ترین کو جو امید ہے وہ  زیادہ دن نہیں رہے گی۔

انہوں نے کہا کہ  بلدیاتی اداروں کے انتخابات مردم شماری کے تحت کرائے جاتے ہیں جبکہ سندھ حکومت نے مشترکہ مفادات کونسل میں نئی مردم شماری کامطالبہ کردیا ہے۔

.سید مراد علی شاہ نے یہ بھی کہا  کہ ہم صنعتی علاقوں میں سڑکوں کی تعمیر کررہے ہیں ،آج تین سڑکوں کا کام مکمل ہوگیا ہے

اس موقع پر سید مراد علی شاہ نے مہران ہائی وے کی تعمیر کا بھی اعلان کر دیا ہے۔

وزیراعلیٰ سندھ سید مراد علی شاہ نے مزید کہا کہ سندھ میں وفاقی افسران کی کمی ہے 21 گریڈ  کے 16 افسران میں سے صرف 6 افسر ہیں اور نچلے گریڈز میں یہ کمی اور زیادہ ہے، حکومت وفاقی افسران کی مطلوبہ تعداد پوری کرے۔