سندھ میں بے نظیر بھٹو مزدور کارڈ کا اجراء کل سے شروع کیا جائیگا۔

تفصیلات کے مطابق بے نظیر بھٹو مزدور کارڈ کی افتتاحی تقریب وزیراعلیٰ ہاؤس میں ہوگی ۔ افتتاحی تقریب کے مہمان خصوصی بلاول بھٹو زرداری ہوں گے۔

پیپلز پارٹی کے چیئرمین بلاول بھٹو زرداری بے نظیر بھٹو مزدور کارڈ کا افتتاح کرینگے۔

مزدور خود کو محکمہ محنت و افرادی قوت کے ادارے میں رجسٹرڈ کروا کر کارڈ حاصل کرسکتے ہیں۔

روزانہ اجرت پر کام کرنے والے، مستری، گھریلو ملازمین خود کو رجسٹرڈ کرا سکیں گے جبکہ ٹھیلا لگانے والے، بس ڈرائیور، کنڈکٹر، گدھا گاڑی چلانے والا بھی کارڈ سے فائدہ اٹھا سکے گا۔

کارڈ میں مزدوروں اور اہل خانہ کو مفت طبی سہولیات فراہم کی جائیں گی اور کارڈ رکھنے والے مزدوروں کے بچوں کو مفت تعلیم کی سہولت حاصل ہوگی۔