وزیراعلیٰ خیبر پختونخوا محمود خان نے سابق آئی جی پی خیبرپختونخوا ناصر درانی کے انتقال پر اظہار افسوس کیا ہے۔

تفصیلات کے مطابق وزیر اعلیٰ محمود خان نے سابق آئی جی پی خیبرپختونخوا ناصر درانی کے انتقال پر اظہار افسوس کرتے ہوئے کہا کہ ناصر درانی ایک فرض شناس، اصول پسند اور ایماندار آفیسر تھے۔

محمود خان نے کہا کہ مرحوم نے خیبر پختونخوا پولیس کے لئے گرانقدر خدمات انجام دی ہیں۔

وزیراعلیٰ خیبر پختونخوا محمود خان نے  اہل خانہ سے دلی  ہمدردی اور تعزیت کا اظہار کیا ہے اور مرحوم کی معفرت اور پسماندگان کے لئے صبر جمیل کی دعا بھی کی ہے۔