وفاقی وزیر مذہبی امور پیر نور الحق قادری نے کہا ہے کہ پاکستان اور سعودی عرب کی دوستی کے رشتے کو مزید تقویت دینے کی ضرورت ہے۔

تفصیلات کے مطابق سعودی عرب میں بطور پاکستانی سفیر نامزد لیفٹیننٹ جنرل (ر) بلال اکبر کی پیر نور الحق قادری سے ملاقات ہوئی جس میں سعودی عرب میں پاکستانیوں کی بہتر دیکھ بھال اور باہمی تعلقات کے فروغ کے عزم کا اعادہ کیا گیا۔

ملاقات میں پاک سعودی تعلقات، حج و عمرہ زائرین، مکہ مکرمہ و مدینہ منورہ میں پاکستان ہاوس کے قیام  اور دیگر امور پر بات چیت کی گئی۔

سعودی عرب میں بطور پاکستانی سفیر نامزد لیفٹیننٹ جنرل (ر) بلال اکبر سے گفتگو کرتے ہوئے وفاقی وزیر مذہبی امور پیر نور الحق قادری نے کہا کہ پاکستان اور سعودی عرب کی دوستی کے رشتے کو مزید تقویت دینے کی ضرورت ہے۔