مقبول ویڈیو کانفرنسنگ ایپ زوم نے ویڈیو کالز کے بیک گراؤنڈ کے لیے بہترین فیچر متعاررف کرایا ہے جس کا مقصد ویڈیو بیک گراؤنڈ کو بہتر بنانا ہے۔

زوم کی جانب سے اس فیچر کا اعلان گزشتہ سال ایک کانفرنس کے دوران کیا گیا تھا مگر یہ اب جاکر اس ایپ کو استعمال کرنے والے مفت اور پرو اکاؤنٹس کو دستیاب ہوا ہے۔

یہ ورچوئل ویڈیو بیک گراؤنڈ فیچر ویڈیو کالز کو بالکل ایسا بنادیتا ہے جیسے کسی دفتر میں میٹنگ ہورہی ہو، اس فیچر میں 25 افراد کو شامل کیا جاسکتا ہے اور اس میں کمپنی کی توجہ حقیقی نظر آنے والی لوکیشن دکھانے پر مرکوز نظر آتی ہے۔

زوم نے بتایا کہ ہوسٹس شرکا کو ری سائز بھی کرسکتے ہیں اور انہیں منظر میں کہیں بھی منتقل کرسکتے ہیں۔

کمپنی کے مطابق اس بیک گراؤنڈ کے لیے مخصوص فائل ٹائپ، ایسپکٹ ریشو اور ریزولوشن والی تصویر کا استعمال زیادہ بہتر نتائج فراہم کرتا ہے۔

اگر کال میں 25 سے زیادہ افراد ہوں تو اس فیچر میں اضافی لوگوں کے تھمب نیل سین کے اوپر نظر آتے ہیں جبکہ موبائل یا ڈیسک ٹاپ پر زوم کا اپ ڈیٹ ورژن استعمال نہ کرنے والے افراد اس کا حصہ نہیں بن سکتے۔