سعودی عرب میں تعینات پاکستانی سفیر راجہ علی اعجاز کی جانب سے سبکدوشی سے قبل الوداعی پیغام جاری کیا گیا ہے۔

تفصیلات کے مطابق پاکستانی سفیر راجہ علی اعجاز نے اپنے ایک بیان میں کہا کہ سعودی عرب میں بطورسفیر پاکستان ملازمت عمدہ اور عظیم مرحلہ تھا، ایسی سرزمین پر خدمات سرانجام دیں جو پاکستان کے لیے خاص اہمیت کی حامل ہے۔

 راجہ علی اعجاز نے کہا کہ ملازمت کے دوران دونوں اسلامی ممالک کے برادرانہ تعلق کی مضبوطی کے لیے بھرپور کوشش کی، میں حکومت کا شکرگزار ہوں کہ مجھ  پر اعتماد کیا۔

پاکستانی سفیر راجہ علی اعجاز نے مزید کہا کہ مجھے اپنی ٹیم پر فخر ہے جس کے ارکان نے تمام وسائل کو بروکار لاتے ہوئے بالخصوص کورونا وائرس کے مشکل مرحلے کے دوران اپنی کمیونٹی کو سپورٹ کرنے کے لیے خدمات سر انجام دیں۔