وزیراعلیٰ خیبر پختونخوا محمود خان نے کہا ہے کہ عوام کو سہولیات کی فراہمی میں کوتاہی برداشت نہیں کی جائے گی۔

تفصیلات کے مطابق وزیراعلیٰ خیبر پختونخوا محمود خان نے سینٹرل جیل پشاور کا اچانک دورہ کیا جہاں انھوں نے جیل لنگر خانہ میں خوراک ، صفائی اور دوسرے انتظامات کا جائزہ لیا۔

 اس موقع پر وزیراعلیٰ خیبر پختونخوا محمود خان نے آئی جی جیل کو ہدایت دی کہ قیدیوں کو ہر ممکن بہتر سہولیات دی جائیں۔

محمود خان نے یہ بھی کہا کہ صوبائی حکومت قیدیوں کو کار آمد شہری بنانے کیلئے اقدامات اٹھا رہی ہے،عوام کا وزیراعلیٰ ہوں عوامی حقوق و سہولیات کیلئے ہمہ وقت سرگرم ہوں۔

وزیراعلیٰ خیبر پختونخوا محمود خان نے مزید کہا کہ غریب قیدیوں کا جرمانہ ادا کرکے انکی رہائی ممکن بنائیں گے، جرمانوں کی ادائیگیوں میں ذاتی طور بھی مدد کرونگا۔