پاکستان شوبز انڈسٹری کے معروف اداکارعمران اشرف نے بتا دیا کہ ان کے 6 مشہور ترین کردار کونسے ہیں۔

اداکارعمران اشرف ڈراموں میں ادا کیے گئے 6 بہترین کرداروں پر مشتمل ایک پینٹنگ سوشل میڈیا انسٹاگرام پر شیئر کر دی ہے۔

اس پینٹنگ کے کیپشن میں انہوں نے لکھا ہے کہ ’کچھ کامیاب اور کچھ ادھوری کوششیں،‘ اس پینٹنگ کو اُن کے مداحوں کی جانب سے خوب پسند کیا جا رہا ہے۔

عمران اشرف ایک سادہ لوح اور عاجزی و انکساری سے پیش آنے والے اسٹار ہیں، یہی وجہ ہے کہ عمران اشرف سے اُن کے مداح بے پناہ محبت کرتے ہیں۔

اپنے کیریئر کے آغاز میں طرح طرح کی حوصلہ شکن باتیں اور اداکاری میں نقص سننے کے بعد بھی عمران اشرف نے اپنے شوق اور یقین کا سفر جاری رکھا اور آج وہ ہر دل میں دھڑکتے ہیں۔