سندھ میں بلدیاتی اداروں کی جانب سے کتا مار مہم کے نام پر کروڑوں روپے خرچ کئے جانے کی تحقیقات شروع کردی گئیں۔

تفصیلات کے مطابق سندھ میں خصوصی مہم میں مارے گئے کتوں کی تعداد اور ان کی نس بندی سے متعلق تحقیقات شروع کردی گئیں ، محکمہ بلدیات سندھ تحقیقاتی کمیٹی رپورٹ مرتب کرے گی۔

اس سے قبل سندھ کے بلدیاتی اداروں نے کتا مارمہم کے نام پر 6 کروڑ روپے خرچ کیے ، سیکریٹری بلدیات نے ایک لاکھ97 ہزار799 کتے مارنے کی رپورٹ اعلیٰ حکام کو بھیج دی۔

جس میں بتایا گیا تھا کہ کتوں کو مارنے کیلئے 5 کروڑ 97لاکھ 96 ہزار روپے کے کیپسول،ٹیبلیٹ،بوتلیں خریدی گئیں ،مہم کےدوران کراچی میں 11 ہزار 233 کتے مارنے کیلئے47لاکھ48ہزارروپےخرچ ہوئے۔

رپورٹ کے مطابق مہم کےدوران حیدرآبادمیں67لاکھ روپےخرچ کرکے15ہزارکتے اور میرپورخاص میں32لاکھ 84ہزارروپےخرچ کرکے55ہزار355کتے مارے گئے۔