پاکستان شوبز انڈسٹری  کی نامور اداکارہ کبریٰ خان کی ویڈیو سوشل میڈیا پروائرل ہوگئی ہے۔

کبریٰ خان نے اپنے انسٹاگرام اکاؤنٹ پر اسد صدیقی کو سالگرہ کی مبارک باد دیتے ہوئے ایک دلچسپ اور یادگار ویڈیو شیئر کی ہے۔

وائرل ویڈیو میں اداکارہ کبریٰ خان کو اداکار اسد صدیقی کے ساتھ آئس اسکیٹنگ کرتے ہوئے دیکھا جا سکتا ہے۔

اس ویڈیو میں دیکھا جاسکتا ہے کہ اسد صدیقی آئس اسکیٹنگ کے دوران اپنا توازن کھوکر گرجاتے ہیں۔

کبریٰ خان نے ویڈیو شئیر کرتے ہوئے لکھا کہ ’سالگرہ مبارک ہو اسدصدیقی! کوئی بات نہیں اگر آپ کو آئس اسکیٹنگ نہیں آتی۔‘

اداکارہ نےاسد کے بارے میں مزید لکھا کہ ’آپ پھر بھی ایک مضبوط انسان ہیں۔‘

کبریٰ نے لکھا کہ ’اللہ آپ کو اس دنیا میں بھی اور آخرت میں بھی بہتری عطا کرے۔‘

دوسری جانب اسد صدیقی نے اداکارہ کی اس پوسٹ پر کہا کہ ’ویسے میں آئس اسکیٹنگ کرنے میں کامیاب ہوگیا تھا لیکن پھر بھی آپ کا شکریہ۔‘

کبریٰ خان کی اس پوسٹ پر اسد صدیقی کی اہلیہ اداکارہ زارا نور عباس نے بھی خوشی کا اظہار کیا ہے۔