پاکستان شوبز انڈسٹری کی اداکارہ میرا کی امریکا کے پاگل خانے میں داخل ہونے کی خبروں کے بعد انسٹاگرام پر  پوسٹس سامنے آگئی ہے۔

اداکارہ میرا نے انسٹاگرام پر ایک قول شیئر کیا جس میں کہا گیا کہ ’آپ کتنے ہی پڑھے لکھے، امیر، باصلاحیت کیوں نہ ہوں لیکن آپ دوسروں سے کیسا سلوک کرتے ہیں آپ کے بارے میں سب بیان کردیتا ہے۔‘

اداکارہ نے فلم اسٹار ہمایوں سعید اور دیگر کے ہمراہ ایک گروپ فوٹو شیئر کیا جس میں انہوں نے بتایا کہ کچھ نیا بہت جلد آرہا ہے۔

گزشتہ دنوں سے میرا کی والدہ کا حوالہ دے کر یہ خبریں زیرگردش تھیں کہ میرا کو لندن میں پاگل خانے میں داخل کروادیا گیا ہے۔

تاہم اداکارہ میرا نے عمران عباس کے ذریعے ان تمام خبروں کی تردید کی۔

اداکار عمران عباس نے میرا سے متعلق زیر گردش خبروں پر ایک طویل پوسٹ کے ذریعے ردعمل دیتے ہوئے کہا کہ میرا نے مجھے فون کر کے تمام میڈیا اور سوشل میڈیا پر یہ واضح کرنے کیلئے کہا ہے کہ وہ بالکل صحتمند ہیں اور ان کی ذہنی حالت بھی ٹھیک ہے۔