پاکستان میں رمضان المبارک کا چاند نظر آگیا،یکم رمضان المبارک کل بروز بدھ  کو ہوگی۔

تفصیلات کے مطابق  رمضان المبارک کا چاند دیکھنے کے  لیے مرکزی رویت ہلال کمیٹی کا اجلاس عبدالخبیر آزاد کی زیر صدارت ایڈمنسٹریٹر اوقاف کے دفتر عید گاہ چارسدہ روڈ پشاور میں ہوا۔

مولانا عبدالخبیر آزادنے مختلف شہروں سے شہادتیں موصول ہونے کے بعد پریس کانفرنس کرکے چاند نظر آنے کا باقاعدہ اعلان کیا۔

مزید پڑھیں

چاند کے حوالے سے اتفاق رائے پیدا کرنا چاہتے ہیں، فواد چوہدری

وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ...

زونل رویت ہلال کمیٹی اسلام آباد کا اجلاس وزارت مذہبی امور اور بین المذاہب ہم آہنگی جبکہ صوبائی، ضلعی اور  زونل کمیٹیوں کے اجلاس ان کے متعلقہ صوبائی، ضلعی صدر دفاتر میں منعقد کیے گئے ہیں۔

واضح رہے کہ اس سے قبل وفاقی وزیر سائنس اور ٹیکنالوجی نے 3 اپریل کو کہا تھا کہ رمضان المبارک کا چاند 13 اپریل کو نظر آجائے گا اور یکم رمضان المبارک 14 اپریل بروز بدھ  کو ہوگی۔

مزید پڑھیں

چاند دیکھنا اب مسئلہ نہیں رہا ہے، فواد چوہدری

وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ...

فواد چوہدری نے کہا  تھا کہ 13اپریل کی شام کو لاہور،اسلام آباد،پشاور سمیت کے دیگر شہروں میں واضع طور پر چاند دیکھا جاسکے گا۔