پاکستان شوبز انڈسٹری کے نامور گلوکار فلک شبیر نے پاکستان میں متوقع امتحانات سے متعلق پیشگوئی کردی ہے۔

فلک شبیر نے پاکستان میں متوقع امتحانات کے حوالے سے کہا کہ یہ امتحانات منسوخ ہوجائیں گے۔

گلوکار نے مائیکروبلاگنگ ویب سائٹ ٹوئٹر پر ایک پیغام جاری کیا ہے جس میں انھوں نے لکھا کہ ’2021 کے امتحانات جلد منسوخ ہوجائیں گے۔‘

ساتھ میں انھوں نے ہیش ٹیگ ایگزام کینسل کرو ( #ExamsCancelKaro) بھی تحریر کیا۔

اسی طرح کی پوسٹ انھوں نے فوٹوز اینڈ ویڈیو شیئرنگ ایپ انسٹاگرام پر بھی کی اور ساتھ میں لکھا کہ ان کے الفاظ یاد رکھے جائیں۔

واضح رہے کہ فلک شبیر کی جانب سے سوشل میڈیا پر یہ پیغامات ایسے وقت میں سامنے آئے ہیں جب پشاور، لاہور، سندھ اور اسلام آباد کی عدالتِ عالیہ نے طلبہ کی جانب سے کورونا وائرس کے خطرے کے پیشِ نظر کیمبرج امتحانات کے منعقد ہونے کو چیلنج کیا تھا۔

اسلام آباد ہائی کورٹ نے طلبہ کی درخواست کو مسترد کرتے ہوئے ہدایت کی تھی کہ وہ اپنا کیس نیشنل کمانڈ اینڈ آپریشن سینٹر (این سی او سی) کے سامنے پیش کریں۔