کورونا کی بگڑتی صورت حال کے پیش نظر وزیراعظم عمران خان نے کل اجلاس طلب کرلیا۔

تفصیلات کے مطابق وزیر اعظم کی زیر صدارت قومی رابطی کمیٹی برائے کورونا کا اجلاس کل دوپہر 12 بجے ہوگا جس میں مستقبل کے حوالے سے اقدامات پر فیصلے کا امکان ہے۔

ذرائع کا کہنا ہے کہ اجلاس میں ملک بھر میں کورونا وائرس کی صوتحال کا جائزہ لیا جائے گا۔

ذرائع کا یہ بھی کہنا ہے کہ کورونا وائرس کے 10 فیصد سے زائد شرح والے شہروں میں لاک ڈاؤن کے فیصلے کا امکان ہےجبکہ ان شہروں اور علاقوں میں کاروباری سرگرمیاں معطل اور دفاتر بند رکھے جانے کا امکان ہے۔

 ذرائع کا مزیدکہنا ہے کہ این سی سی زیادہ متاثرہ شہروں میں لاک ڈاؤن کے فیصلے کی حتمی منظوری دے گی۔

اجلاس میں وفاقی وزرا، چاروں صوبوں کے وزرائے اعلیٰ و چیف سیکرٹریز شریک ہوں گے۔