پیرس میں عرب شہری نے خاتون پولیس اہلکار کو چاقو  کا وار کر کے ہلاک کردیا ہے۔

غیر ملکی خبر رساں ادارے کے مطابق چاقو حملے کا واقعہ جنوبی ٹاؤن رامبویلیٹ کے پولیس اسٹیشن میں پیش آیا ہے جہاں عرب شہری نے پولیس اسٹیشن میں داخل ہوکر خاتون افسر پر چاقو سے حملہ کیا جبکہ  پولیس نے حملہ آور کو فائرنگ کرکے ہلاک کردیا ہے۔

فرانسیسی وزیر اعظم جین کاسٹیکس نے متاثرہ پولیس اسٹیشن کے دورے  کا اعلان کیا ہے۔

حملہ آور تیونس کا شہری ہے جبکہ ہلاک ہونے والی 49 سالہ خاتون افسر پولیس اسٹیشن میں انتظامی عہدے پر تھیں۔

واقعے کے محرکات سامنے نہیں آئے ہیں لہٰذا ابھی یہ نہیں کہا جاسکتا کہ واقعہ دہشتگردی ہے یا نہیں۔