سابق فرسٹ کلاس کرکٹر اور پاکستان کرکٹ بورڈ کے میچ ریفری میاں پرویز اختر انتقال کر گئے۔

تفصیلات کے مطابق پاکستان کرکٹ بورڈ کے میچ ریفری میاں پرویز اختر کورونا وائرس کے باعث جان کی بازی ہار گئے۔

مرحوم کی نماز جنازہ کا اعلان بعد میں کیا جائے گا۔

مرحوم پی سی بی پینل میچ ریفری اورپی سی بی ڈیف اینڈ ڈمب ایڈہاک کمیٹی کے رکن کے عہدے پر بھی فائز رہے۔

دوسری جانب میاں پرویز اختر آئی سی سی کے سابق امپائر میاں اسلم کے بڑے بھائی تھے، وہ لاہور، پنجاب، ہاؤس بلڈنگ کی ٹیموں کے کپتان بھی رہے۔

واضح رہے کہ میاں پرویز اختر قومی کرکٹ ٹیم کے سابق کپتان اںضمام الحق، احمد شہزاد، توفیق عمر سمیت ان گنت کرکٹرز کے استاد بھی تھے۔