رینجرز اور سی ٹی ڈی کے جوائنٹ آپریشن کے دوران  کالعدم  ٹی ٹی پی کے 5 دہشتگرد گرفتار کرلئے گئے ہیں۔

تفصیلات کے مطابق ڈی آئی جی سی ٹی ڈی عمر شاہد اور رینجرز کے کرنل شبیر نے کراچی میں پریس کانفرنس کرتے ہوئے بتایا کہ جامشورو میں  رینجرز اور سی ٹی ڈی کا جوائنٹ آپریشن ہوا جس میں  کالعدم  ٹی ٹی پی کے 5 دہشتگرد گرفتار کئے گئے ہیں۔

گرفتار دہشتگردوں میں دو خودکش حملہ آور بھی شامل ہیں تاہم ملزمان سے تفتیش کرکے ان کے مزید نیٹ ورک پر ہاتھ ڈالا جائے گا۔

رینجرز کے کرنل شبیر نے بتایا کہ گروپ کے سرغنہ کے پاس افغانستان کا پاسپورٹ تھا، یہ گروپ طور خم والی سائیڈ سے پاکستان آیا  ہے۔

ڈی آئی جی سی ٹی ڈی نے بتایا کہ دہشت گرد مناواں پولیس ٹریننگ سینٹر پر حملے کی طرز کی دہشتگردی کرنا چاہتے تھے جس کے لئے ریکی بھی ہوچکی تھی۔