پاکستان کے معروف قوال امجد صابری کی صاحبزادی حورین صابری نے اپنے والد کی پانچویں برسی کے موقع پر جذباتی پیغام جاری کر دیا ہے۔

حورین صابری نے انسٹاگرام والد کی برسی پر اُن کے ہمراہ لی گئی اپنی کچھ یادگار تصویر شیئر کی ہیں۔

انہوں نے کیپشن دیتے ہوئے لکھا کہ آج پھر وہ دن آگیا، مجھے یقین نہیں آرہا کہ بابا کے انتقال کو پانچ سال گُزر گئے ہیں۔

امجد صابری کی صاحبزادی نے لکھا کہ ہم سب ہمارے بابا کو بہت زیادہ یاد کرتے ہیں۔

انہوں نے کہا کہ ہم اپنی زندگیوں میں جنتا بھی مصروف ہوجائیں لیکن ایک نامکمل احساس ہمیشہ ہمارے ساتھ رہتا ہے۔

امجد صابری کے مداحوں کی جانب سے بڑی تعداد اُنہیں خراجِ عقیدت پیش کرتی نظر آرہی ہے۔

واضح رہے کہ کراچی میں 16 رمضان 22 جون 2016 کو شام تقریباََ 4 بجے کے قریب قوال امجد صابری پرنامعلوم افرا د نے فائر نگ کی۔امجد صابری کے سر پر گولیاں لگنے سے ان کی موت واقع ہوئی۔

امجد صابری کے 5 بچے ہیں جن میں 3 بیٹے اور 2 بیٹیاں ہیں۔