بھارت کے معروف اداکار اور نغمہ نگار شیام دیہاتی کورونا کے باعث انتقال کر گئے۔

غیرملکی خبر رساں ادارے کے مطابق مقامی بھوجپوری فلم انڈسٹری کے  33 سالہ اداکار و نغمہ گار شیام دیہاتی کو چند روز قبل کورونا وائرس لاحق ہوا تھا، جس کے بعد سے وہ اپنے گھر پر آئسولیشن میں تھے۔

اداکار شیام دیہاتی کو سانس لینے میں دشواری کا سامنا تھا اور ان کا آکسیجن لیول خطرناک حد تک گرگیا تھا۔

اداکار  کا تعلق ریاست بہار سے تھا جبکہ اہلیہ، 5 سال کی بیٹی اور ڈیڑھ کا سال بیٹا ان کے سواگواران میں شامل ہے۔

واضح رہے کہ طبیعت بگڑنے پر انہیں ریاست اترپردیش کے شہر گورکھ پور کے اسپتال میں لے جایا جارہا تھا کہ راستے میں ہی دم توڑ دیا۔