سابق صدر آصف علی زرداری نے کہا ہے کہ شوکت علی کی فن کیلئے خدمات ہمیشہ یاد رکھی جائیں گی۔

تفصیلات کے مطابق سابق صدر آصف علی زرداری نے معروف لوک گلوکار کے انتقال پر افسوس کا اظہار کرتے ہوئے کہا کہ شوکت علی کے انتقال سے ملک ایک بہت بڑے گلوکار سے محروم ہو گیا ہے۔

سابق صدر آصف علی زرداری نے کہا کہ معروف لوک گلوکار شوکت علی کی فن کیلئے خدمات ہمیشہ یاد رکھی جائیں گی۔

اپنے بیان میں سابق صدر آصف علی زرداری نے شوکت علی کے اہل خانہ سے اظہار تعزیت کی جبکہ مرحوم کی مغفرت اور بلند درجات کیلئے دعا بھی کی۔

یاد رہے پاکستان کےمعروف  لوک گلوکار شوکت علی طویل علالت کے بعد آج انتقال کرگئے۔

شوکت علی پنجاب کے ضلع گجرات کے فنکار گھرانے میں پیدا ہوئے اور انہوں نے اپنے فنی سفر کا  آغاز فلمی گانوں سے کیا۔شوکت علی کو حکومت کی جانب سے پرائڈ آف پر فارمنس سے بھی نوازا جاچکا ہے۔

انہوں نے صوفیانہ کلام اور پنجابی گانوں میں بھی خوب نام کمایا، 1965 کی جنگ میں ان کا گایا ہوا ملی نغمہ، جاگ اٹھا ہے، سارا وطن اب بھی جوانوں کو جوش دلاتا ہے۔