پاکستان ڈیموکریٹک موومنٹ کی اسٹیئرنگ کمیٹی کا اہم اجلاس ہوا ہے۔

ذرائع کے مطابق اجلاس میں پیپلزپارٹی اور اے این پی کے رویوں پر غور کیا گیا ہے۔

ذرائع نے کہا کہ پیپلزپارٹی اور اے این پی کی جانب سے تاحال جواب نہ آنے پر بھی غور کیا ہے۔

پی ڈی ایم نے عید الفطر کے بعد عوامی رابطہ مہم شروع کرنے کی سفارش  کی ہے۔

ذرائع کا کہنا تھا کہ اسٹیئرنگ کمیٹی نے عوامی رابطہ مہم کے مندرجات کو حتمی شکل دے دی ہے جبکہ اسٹیئرنگ کمیٹی کی سفارشات سربراہی اجلاس میں پیش کی جائیں گی۔

اسٹیئرنگ کمیٹی میں سربراہی اجلاس بلانے اور ایجنڈے پر مشاورت  بھی کی گئی ہے۔

سربراہی اجلاس رمضان کے آخری عشرے سے قبل طلب کرنے پر غور کیا گیا ہے۔

ذرائع کے مطابق پی ڈی ایم کی اسٹیئرنگ کمیٹی نے پیپلزپارٹی اور اے این پی کو ایک بار پھر مہلت دی ہے۔

ذرائع کا کہنا تھا کہ  پیپلزپارٹی اور اے این پی اپنے فیصلوں پر غور کریں۔

ذرائع کا مزید کہنا ہے کہ میڈیا پر بیان بازی کے بجائے فورم پر امور کو لایا جائے۔