پاکستان کےمعروف  لوک گلوکار شوکت علی طویل علالت کے بعد انتقال کرگئے۔

تفصیلات کے مطابق نامور پاکستانی لوک گلوکار شوکت علی کئی روز سے سی ایم ایچ لاہور میں زیر علاج تھے۔

شوکت علی جگر کے عارضے میں مبتلا تھے، ان کا جگر مکمل طور پر کام کرنا چھوڑ گیا تھا۔

گلوکار شوکت علی کے انتقال کی تصدیق ان کے بیٹے امیر شوکت علی کی جانب سے کی گئی ہے۔

شوکت علی پنجاب کے ضلع گجرات کے فنکار گھرانے میں پیدا ہوئے اور انہوں نے اپنے فنی سفر کا  آغاز فلمی گانوں سے کیا۔شوکت علی کو حکومت کی جانب سے پرائڈ آف پر فارمنس سے بھی نوازا جاچکا ہے۔

انہوں نے صوفیانہ کلام اور پنجابی گانوں میں بھی خوب نام کمایا، 1965 کی جنگ میں ان کا گایا ہوا ملی نغمہ، جاگ اٹھا ہے، سارا وطن اب بھی جوانوں کو جوش دلاتا ہے۔