پی آئی اے انتظامیہ نے پائلٹوں کی تنظیم  پالپا کے صدر کیپٹن سلمان کو معطل کر کے پرواز سے روک دیا ہے۔

تفصیلات کے مطابق پی آئی اے انتظامیہ نے بڑا ایکشن لیتے ہوئے صدر پالپا کیپٹن سلمان کو پالپا کے ممبرز پائلیٹس کو خط لکھنے پر معطل اور گراونڈ  کر دیا ہے۔

شوکاز نوٹس کے مطابق صدر پالپا کیپٹن سلمان نے خط کے زریعے پائیلٹوں میں بے چینی پھیلائی تھی تبھی انہیں شوکاز نوٹس بھی جاری کردیا  گیا ہے۔

ذرائع کا کہنا ہے کہ صدر پالپا کیپٹن سلمان سے پہلے جنرل سیکریٹری کیپٹن عمران ناریجو تین ماہ سے معطل ہیں جبکہ پالپا کے نائب صدر کیپٹن مقصود بجارانی اور جوائنٹ سیکریٹری کیپٹن قاسم قادر بھی معطل ہیں۔

ذرائع نے کہا کہ پالپا کے عہد یداروں نے معطلی  اور شوکاز کے خلاف عدالت سے رجوع کر رکھا ہے۔

ذرائع کا مزید کہنا تھا کہ جمہوری حکومت میں پائیلٹوں کی نمائندہ تنظیم پالپا کے خلاف آمرانہ اقدامات کیے جارہے ہیں۔