دی کونجیورنگ سیریز کی تیسری فلم کا پہلا ٹریلر جاری کردیا گیا ہے جس میں دہشت، قتل اور نامعلوم آسیب کی خوفناک کہانی کی جھلک پیش کی گئی ہے۔

تفصیلات کے مطابق فلم کی ہدایات مائیکل شاویز نے دی جبکہ جیمز وان فلم کے پروڈیوسر ہیں۔

ڈائریکٹر نے بتایا کہ متعدد پہلوؤں کے باعث یہ اب تک کی سب سے بڑی کونجیورنگ فلم ہے۔

 دی ڈیول میڈی می ڈو اٹ میں ویرا فارمیگا اور پیٹرک ولسن ایک بار پھر ماورائی واقعات کی تحقیقات کرنے والے حقیقی کرداروں ایڈ اور لورین وارن کے روپ میں نظر آئیں گے

اس سیریز کا آغاز 2013 میں دی کونجیورنگ سے ہوا تھا، جس میں ایک ڈیڑھ سو سال پرانے گھر میں رہنے والے خاندان کو پراسرار واقعات سے ہونے والی پریشانی کو دکھایا گیا تھا۔

خیال رہے کہ حقیقی زندگی میں ایڈ اور لورین وارن نے 10 ہزار سے زیادہ کیسز کی تحقیقات امریکا اور بیرون ملک میں کی تھیں۔

کونجیورنگ سیریز کی نئی فلم 4 جون کو ریلیز کی جائے گی۔