پیپلز پارٹی کی رہنما شازیہ مری نے کہا ہے کہ مسئلہ کابینہ میں نہیں بلکہ کابینہ کے نااہل سربراہ میں ہے۔

تفصیلات کے مطابق پیپلز پارٹی کی رہنما شازیہ مری نے اپنے ایک  بیان میں کہا کہ عمران نیازی کی نااہلیت کی وجہ سے ملک کو ناقابل تلافی نقصان ہو رہا ہے۔

شازیہ مری  نے کہا کہ عمران نیازی نے اپنی سیاست کی خاطر انتہا پسندی کو فروغ دیا ہے اور آج ہم اسکا نتیجہ بھگت رہے ہیں۔

شازیہ مری کا کہنا تھا کہ عوام معاشی اور سکیورٹی اعتبار سے خود کو غیرمحفوظ محسوس کر رہی ہے۔

انہوں نے کہا کہ سلیکٹڈ حکومت ملک کی معاشی خودمختاری داؤ پر لگا رہی ہے ،اسٹیٹ بینک کو کسی صورت بھی آئی ایم ایف کے حوالے ہونے نہیں دیں گے۔

پیپلز پارٹی کی رہنما شازیہ مری نے مزید کہا کہ پاکستان کو مزید خطرات سے بچانے کے لئے عمران نیازی کی نااہل حکومت کو ہٹانا ضروری ہے۔