پاکستان شوبز انڈسٹری کی اداکارہ منال خان نے اداکار احسن محسن اکرام کے ساتھ نئی تصاویر شیئر کی ہیں۔

تصاویر میں دیکھا جا سکتا ہے کہ دونوں اداکار چھٹی کا دن ایک ساتھ گزارتے نظر آ رہے ہیں۔

مزید پڑھیں

اداکارہ منال خان کی احسن محسن اکرام کے ساتھ سوئمنگ، ویڈیو وائرل ہوگئی

  شوبزانڈسٹری کی مقبول اداکارہ اور ماڈل منال خان ایک بار پھر...

منال خان کی جانب سے شیئر کی گئی تصویروں میں دیکھا جا سکتا ہے کہ وہ کراچی کے کسی کیفے میں موجود ساتھ میں خوشگوار وقت گزار رہے ہیں اور کھانے سے محظوظ ہو رہے ہیں۔

منال خان کی جانب سے اپنی پوسٹ کے کیپشن میں گرمی کی شدت کا ذکر کرتے ہوئے لکھا گیا ہے کہ ’اتوار کے دن کا کھانا۔‘

واضح رہے کہ اداکارہ منال خان کی جانب سے اپنے اور احسن محسن اکرام کے رشتے کی تصدیق متعدد بار کی جا چکی ہے اور وہ احسن محسن اکرام کے ہمراہ آئے دن اپنی نئی نئی تصویریں بھی مداحوں کے ساتھ شیئر کرتی رہتی ہیں۔

علاوہ ازیں احسن محسن اکرام کی جانب سے بھی منال خان کی تصویروں کو لائیک کرتے ہوئے کمنٹ باکس میں محبت کا اظہار کیا گیا ہے۔

اداکارہ کی جانب سے پوسٹ کی جانے والی تصاویر میں منال خان کو مداحوں کی جانب سے بہتر مستقبل کی دعائیں دی جا رہیں ہیں۔

دوسری جانب کچھ انٹرنیٹ صارفین کی جانب سے اداکارہ کو شدید تنقید کا نشانہ بھی بنایا جا رہا ہے۔