معاون خصوصی برائے اطلاعات پنجاب فردوس عاشق اعوان نے کہا ہے کہ معیشت کی بہتری کے ثمرات مزدور تک پہنچانا اولین ترجیح ہے۔

تفصیلات کے مطابق معاون خصوصی برائے اطلاعات پنجاب فردوس عاشق اعوان نے اپنے ایک بیان میں کہا کہ مزدور دوست پالیسی پاکستان میں متعارف کرانے کے لئے پر عزم  ہیں اور مزدوروں کے جائز مطالبات کو تسلیم کیا جائے گا۔

فردوس عاشق نے کہا کہ ٹیکس معیشت کے لئے آکسیجن کا ذریعہ بن رہا ہے۔

فردوس عاشق  نے یہ بھی کہا کہ ایسی لیبر پالیسی لا رہے  ہیں جو صحت اور تعلیم  کے ساتھ جڑی ہیں۔

فردوس عاشق کا کہنا تھا کہ نیا پاکستان ہاؤسنگ اسکیم کے تحت بے گھر شخص کوچھت دینے جا رہے ہیں۔

معاون خصوصی برائے اطلاعات پنجاب فردوس عاشق اعوان نے مزید کہا کہ 7 ارب روپے کا رمضان بازاروں میں ریلیف پیکج بھی دے رہے ہیں۔