پاکستانی نژاد برطانوی38 سالہ اداکار رض احمد بھی پاکستانی ٹرک آرٹ کی تعریف کیے بنا نہیں رہ سکے۔

اداکار رض احمد نے ٹوئٹر اکاؤنٹ پر پاکستانی آرٹسٹ کا بنایا گیا ٹرک آرٹ شیئر کرتے ہوئے پاکستان کے ٹرک آرٹ کی تعریف کی ہے۔

Pakistani truck art pic.twitter.com/nTHW6uF3aZ

— Riz Ahmed (@rizwanahmed) May 4, 2021

برطانوی اداکار کی جانب شیئر کیا جانے والو ٹرک آرٹ پاکستانی ٹرک آرٹسٹ حیدر علی نے امریکا میں پولیس کے ہاتھوں ہلاک سیاہ فام شہری جارج فلائیڈ کو خراج عقیدت پیش کرنے کیلئے بنایا تھا۔

واضح رہے کہ پاکستان کے ایک ٹرک آرٹسٹ حیدر علی نےاپنی شاندار فنی صلاحیتوں سے جارج فلائیڈ کو خراج عقیدت پیش کیا تھا

کراچی میں مقیم ٹرک آرٹسٹ حیدر علی نے سیاہ فاموں کےحق میں اپنی آواز بلند کرنے کے لیے اس نے اپنی گھر کی دیواروں پر روایتی ٹرک آرٹ کے انداز میں جارج فلائیڈ کی پینٹنگز بنائی تھیں اور ایک برس گزر جانے کے بعد اب ان پینٹنگز کو رض احمد نے سراہا ہے۔

اس سے قبل اداکار رض احمد آسکر میں نامزد ہونے والے پہلے مسلمان اداکار بنے۔

 اس حوالے سے رض احمد نے خوشی کااظہار کرتے ہوئے ساتھی اداکاروں اور اکیڈمی کا بھروسہ اور حوصلہ افزائی کرنے پر شکریہ ادا کیا تھا۔

Wow! I'm honoured to be nominated by my fellow actors alongside such inspiring performances, and am grateful to the Academy for their support and encouragement. I’m equally thrilled for our visionary writer-director Darius Marder and the brilliant Paul Raci… pic.twitter.com/Z6ScOq08tf

— Riz Ahmed (@rizwanahmed) March 15, 2021

واضح رہے کہ رض احمد کے سوشل میڈیا پیغام کے مطابق انہیں فلم ’ساؤنڈ آف میٹل‘ میں بہترین اداکاری پر اس ایوارڈ کے لیے نامزد کیا گیا تھا۔

اس خوشی کے موقع پر انہوں نے کہا تھا کہ یہ نامزدگی فلم کی کاسٹ، ٹیکنیکل اسٹاف، موسیقاروں غرض کہ فلم کو کامیاب بنانے میں اپنا کردار ادا کرنے والوں کی صلاحیتوں کی نمائندگی کر رہی ہیں۔

اداکار رض احمد جن کا پورا نام رضوان احمد ہے، ان کا تعلق ایک پاکستانی نژاد برطانوی خاندان سے ہے جو لندن میں پیدا ہوئے۔

ایمی ایوارڈ کے میلے میں رضوان احمد کو بہترین اداکار کا ایوارڈ کرائم ڈراما سیریز ’دا نائٹ آف‘ میں غیر معمولی اداکاری پرملا۔

انہوں نے اس ڈرامے میں پاکستانی طالب علم کا کردار ادا کیا تھا۔

اداکار رض احمد اپنی فلم ’ساؤنڈ آف میٹل کیلئے‘ گولڈن گلوب کی نامزدگیوں میں بھی جگہ بنانے میں کامیاب رہے تھے۔