امیر جماعت اسلامی سراج الحق نے کہا ہے کہ عالمی ضمیر اسرائیلی قبضے پر خاموش تماشائی بنا ہوا ہے۔

تفصیلات کے مطابق امیر جماعت اسلامی سراج الحق نے جمعۃ الوداع پر فلسطینی نمازیوں پر اسرائیلی فوج کے حملے کی شدید مذمت کرتے ہوئے کہا کہ اسرائیلی فوج نے گزشتہ کئی ہفتوں سے فلسطینیوں کے خلاف کارروائیوں کا آغاز کر رکھا ہے۔

سراج الحق نے کہا کہ اسرائیلی فوج کے حملوں سے دو سو سے زائد فلسطینی زخمی ہوئے ہیں۔

انہوں نے کہا کہ  مسجد اقصیٰ میں داخلے کے قدیم راستوں کو بھی بند کیا جا رہا ہے۔

امیر جماعت اسلامی کا کہنا تھا کہ بیت المقدس سے اسلامی، ثقافتی اور تاریخی نقوش کو مٹایا جا رہا ہے۔

سراج الحق نے یہ بھی کہا کہ مسجد اقصیٰ مسلمانوں کے مقدس ترین مقامات میں سے ایک اور قبلہ اوّل ہے۔

امیر جماعت اسلامی سراج الحق کا مزید کہنا تھا کہ عالمی ادارے اسرائیل کو فلسطینیوں کے خلاف پر تشدد کارروائیوں سے باز رکھنے کے لئے اقدامات کریں۔