وزیر جیل خانہ جات پنجاب فیاض الحسن چوہان نے عید کے موقع پر اڈیالہ جیل کا دورہ کیا ہے۔

تفصیلات کے مطابق وزیر جیل خانہ جات پنجاب فیاض الحسن چوہان نے اپنے ایک بیان میں کہا کہ انہوں نے بچوں کی بیرک میں وقت گزارا اور بچوں کے ساتھ عید منائی ہے۔

وزیر جیل خانہ جات نے کورونا ایس او پیز کا خیال کرتے ہوئے بچوں کے ساتھ گپ شپ کی جبکہ بچوں میں عیدی بھی تقسیم کی ہے۔

انہوں نے عید کے پر مسرت موقع پر کہا کہ  جیل میں موجود بچے ہماری خصوصی توجہ کے مستحق ہیں۔

فیاض الحسن کا کہنا تھا کہ بچوں کے ساتھ عید منا کر دلی خوشی ہوئی ہے۔

وزیر جیل خانہ جات پنجاب فیاض الحسن چوہان کا مزید کہنا تھا کہ اڈیالہ جیل میں موجود بچوں کو ہر ممکن بہتر سہولیات فراہم کی جا رہی ہیں۔