وزیراعلیٰ پنجاب عثمان بزدار نے کہا ہے کہ پانی کے مسئلے پر سیاست کرنا کسی کو زیب نہیں دیتا۔

تفصیلات کے مطابق وزیراعلیٰ پنجاب عثمان بزدار کی زیرصدارت خصوصی اجلاس ہوا جس میں صوبے میں پانی کی صورتحال اور آبی ذخائر کا جائزہ لیا گیا۔

عثمان بزدار نے کہا کہ سندھ کی پنجاب کو زیادہ پانی ملنے کی شکایت درست نہیں ہے ،پنجاب اپنے حصے کا پانی جس نہر میں چاہے چھوڑ سکتا ہے۔

انہوں نے یہ بھی کہا کہ پانی کو سیاسی مسئلہ بنانا کسی بھی طرح قومی مفاد میں نہیں۔

وزیراعلیٰ پنجاب کا کہنا تھا کہ سندھ پانی پر اعداد و شمار سے متعلق غلط بیانی سے کام لے رہا ہے۔

عثمان بزدار نے کہا کہ کراچی میں پانی کی کمی کا تعلق پنجاب سے کیسے جوڑا جا سکتا ہے۔

وزیراعلیٰ پنجاب عثمان بزدار نے مزید کہا کہ پنجاب نے ہمیشہ بڑے بھائی کی حیثیت سے ہر صوبے کا خیال رکھا