پاکستان شوبز انڈسٹری کی ہر دل عزیز اداکارہ اقراء عزیز اسرائیلی جارحیت کے رکنے پر فلسطین کے بہتر مستقبل کے لیے دعا گو ہیں۔

اداکارہ نے فوٹو اینڈ ویڈیو شیئرنگ ایپ انسٹاگرام پر غیر ملکی خبر رساں ادارے کی غزہ میں جنگ بندی کے بارے میں خبر کا اسکرین شاٹ شیئر کیا ہے۔

اقراء عزیز نے اپنی پوسٹ کے کیپشن میں لکھا کہ میری دعا ہے کہ ہمیں پھر کبھی اس طرح کا سامنا نہ کرنا پڑے۔

اداکارہ نے لکھا کہ یہ غیر انسانی تھا، میں گزشتہ 11 دن میں ضائع ہونے والی تمام جانوں کے لیے دعا گو ہوں اور بہتر مستقبل کی امید کرتی ہوں۔

واضح رہے کہ اسرائیلی حملوں میں 232 فلسطینی شہید، 1900سے زائد زخمی ہوئے ہیں جبکہ حماس کے حملوں میں 12 اسرائیلی بھی مارے گئے۔