پاکستان شوبز انڈسٹری کی اداکارہ منال خان نے بتا دیا کہ انہیں سب سے زیادہ کس کے ساتھ تصاویر لینی پسند ہیں۔

اداکارہ منال خان نے فوٹو اینڈ ویڈیو شیئرنگ ایپ انسٹاگرام پر اپنے مداحوں کے ساتھ اپنی ایک پسندید ہ سیلفی شیئر کی ہے۔

اداکارہ نے پوسٹ کی جانے والی تصویر کے کیپشن میں لکھا کہ اُنہیں اپنی بہن اداکارہ ایمن خان کے ساتھ جہاز میں سیلفیاں لینا بہت پسند ہے۔

تصویر میں دیکھا جا سکتا ہے کہ دونوں بہنیں ماسک پہنی ہوئی ہیں اور ہاتھوں میں گلاب کا پھول بھی لی ہوئی ہیں۔

منال خان کی اس پوسٹ کے کمنٹس باکس میں اداکارہ ایمن خان کی جانب سے بھی  محبت کا اظہار کیا گیا ہے۔

واضح رہے کہ اداکارہ منال خان سوشل میڈیا پر کافی متحرک نظر آتی ہیں اور اکثر ہی اپنی فیملی، دوستوں کے ساتھ اپنی تصاویر اور ویڈیوز شیئر کرتی رہتی ہیں۔